Kryeministri i Kosovës, Albin Kurti e ka mirëpritur rezolutën e Parlamentit Evropian, e cila e dënon sulmin terrorist serb të 24 shtatorit në Banjskë.

Kurti përmes një postimi në platformën X, ka thënë se PE ka bërë thirrje për rritjen e sigurisë në Kosovë, ndërsa shton se i është kërkuar Serbisë të shmang çdo përshkallëzim të mëtejshëm, shkruan Arbresh.info.

“E mirëpresim të sotmen rezolutën e Parlamentit Evropian. Ndër masat e tjera, ai bën thirrje për rritjen e sigurisë në Kosovë dhe i kërkon Serbisë të shmangë çdo përshkallëzim të mëtejshëm, të ndalojë çdo mbështetje për formacionet terroriste dhe të tërheqë të gjitha bazat e saj operative përpara ushtarake përgjatë kufirit”, ka shkruar Kurti.

We welcome today’s @Europarl_EN resolution. Among other measures, it calls for the enhancement of security for ?? and urges Serbia to avoid any further escalation, halt any support to terrorist formations, and withdraw all its military forward operating bases along the border.

— Albin Kurti (@albinkurti) October 19, 2023

Sipas Kurtit, po ashtu u është bërë thirrje pesë vendeve anëtare të BE-së që ta njohin pavarësinë e Kosovës.

“Ai gjithashtu u bën thirrje 5 jo- njohësve që ta njohin Kosovën, inkurajon Komisionin që të pezullojë fondet për Serbinë nëse ajo dështon të bashkëpunojë dhe nxit “autoritetet serbe…të përmbahen nga gjuha e urrejtjes kundër kosovarëve dhe…informacionet e rreme në lidhje me ‘spastrimin etnik …'””, shtoi Kurti.

Edhe zëvendëskryeministri, Besnik Bislimi e ka mirëpritur miratimin e rezolutës duke shtuar se kjo rezolutë i bënë thirrje BE-së për miratimin e masave kufizuese ndaj Serbisë./Arbresh.info

Lexo edhe:

Rezoluta e Parlamentit Evropian shqetëson Serbinë